قصة يندى لها الجبين (عبير وخالد)

في بنت تدرس في الثانوي اسمها عبير مشت للسوق هيا وامها


وتلاقت معا واحد عاكسها وحاول اعطائها الرقم طبعا هيا خدت الرقم بعد المحاولات واتصلت بيه وتعرفت عليه وهو اسمه (خالد)
تعرفوا علي بعض اكثر وزادت العلاقة وتقوت بيناتهم


وكانوا يبوا طريقة يتقابلوا بيها فخالد جاته فكرة...


قاللها عبير ممكن نتقابل قدام المدرسة متاعك..


قالت عبير :: كيف وضح؟؟؟


قاللها اسمعي انتي بوك يحط فيك قدام المدرسة ويمشي لخدمته صح؟؟؟


قالت : عليك نور...


قاللها اني نجيك بالسيارة وتركبي معاي


قاتله المديرة حتتصل بالحوش ياهمي


قال :: افصلي خيط التالفون واستريحي


قالت :: لا لا نخاف


قال:: غير جربي وشوفي

المهم بو عبير وصل بنته للمدرسة ومشي
مافيش دقيقة الا خالد جاي درس وركبت معاه عبير ومشو لكافتيريا وقعمزو وهدرزو للساعة 1:00


روح خالد بعبير خشت عبير الحوش وهيا خايفة لكن لقت الحوش اموره طيبه ومافيش حد سامع حاجة
طول مشت للتالفون وكلمت خالد وقالتله ان اهلها مايندروش علي شي وطمناته وهدرزو شوية وقاللها خالد شن رايك نتلاقوا غدوة


قالت:: لالالا مش كل مرة تسلم الجرة


قال:: المرة هذي جايبلك هدية


قالت :: اخطم عليا وتو نشوف


خالد جي لعبير في نفس الموعد وركبت معاه


المهم مشت الامور علي نفس النسق لمدة اسبوع


المهم جي يوم نست عبير تفصل خيط التالفون وطلعت مع خالد


دورة تلفون الحوش يشرين ردت ام اعبير :: الوو صباح الخير


المديرة :: السلام عليكم


ام عبير :: وعليكم السلام من معاي


المديرة:: اني ابلة سالمة مديرة مدرسة عبير غير بنسأل علي عبير ليها اسبوع ماجتش للمدرسة ان شاء الله غير مافيش سو


ام عبير:: كيف؟؟... ((وغمت عالموضوع)) ايه الله يسلمك عبير مريضة شوية ماقدرتش تجي


المديرة :: باهي ان شاء الله لاباس عليها...


ام عبير دارت بيها الدنيا .. شن ادير . تقول لبو عبير .. والا تراجي البنت لين تجي وتسألها...
المهم قالت لبو عبير علي كل شي قاللها اسمعي ماتقوليلها شي خلي نشوف وين مشي هالبنت .


اليوم اللي بعده جي خالد وركب عبير في اللكزس وركبت عبير بنته المهم السيارة كانت مضلمة
ومشي وراهم بو عبير لين و صلو لعمارة ..ونزلو عبير وخالد


نزل بو عبير وشد الغفير متاع العمارة المهم قاله الشقة رقم 14


ركب بو عبير الدروج وتخاطى هوا وخالد اللي كان نازل لكن ما انتبهوش لبعض


طقطق بو عبير عالباب فتحت عبير شبحت بوها انصدمت ...


جرت عالمطبخ...


خش وراها بوها ....


شدت موس بش تخوفه...


لكن للأسف وهيا تخوف فيه بالموس ضرباته علي صدره من غير قصد ....


طاح بو عبير ودمه يبخ


جي خالد شبح الموقف ...


قال لعبيرقيميه معاي خلي نحطوه في ((البانيو)) وعبوه مية وحطو عليه صابون ((تايد )) بش الرغوة ادرق الجثة


طلعوا من الشقة وحط عبير في المدرسة ...


روحت عبير للحوش وهيا تفكر في اللي صار هل هو حقيقة ام خيال


وصلت باب حوشهم ... طقطقت عالباب ... وفجأة بوها هو اللي فتح الباب ....


صيحت ..... قالت بوي كيف مش معقولة مستحيل


رد بوها ::


مع تايد في الغسيل مافيش مستحيل

مشكور يخويا عمر لكن هذا حال البنات بس فى المحترامات طبعا

[b]

قصه في رجليها ها لبنت
********
و منور ادمنم اي شي منك حلو